Goem vegllo prant zatolo zalear Goenchi Rajbhas khoinchi tem spoxtt korchi goroz asli. Porot anink ek pavtt futt modem ubi Goenkaram poddli. Thodde Goenkar, je Opinion Poll- ant harlole, te apli avoy bhas Moratthi mhonnunk lagle, ani tich bhaxechi Rajbhas zaunk magnni keli. Niz Goenkar, zannim Opinion Poll-ant Goem vilin korchem Maharaxttrant vattaylolem, tea Goenkaramni Goenchi Rajbhas Konkani zaunk zai mhonn demand kelo.

Konkani bhas Rajbhas korchi mhonn Goeant vhoddli ani rogot vharovpi chollvoll zali. Sat zonn Konkani bhaxeche pattlavdar he ontorle. chollvollint Ak'khem Goem bond zalem. Goem hulpunk laglem. Anink kosloch upay nam zaun Febrerache 4 tarker, 1987 hea disa Kongres sorkaran Goencho Rajbhas Kaido kaidea kelo. Tea promannem, Konkani bhas Goenchi Rajbhas zali ani Moratthi bhaxek-ui Goenchea rajkarbharant zago dilo. Vhoddantli vhodd chollvoll korun Konkani bhaxek Rajbhas keli mhonn Goenkar khuxal zale kai? Nam!!!? Urfattench, jea disa Rajbhas Kaido pas zalo, teach disa Goenchea Konkani somaza modem soroll futt poddli.

 

Betrayal of 20th Century Ak'khe chollvollint xekddeamni jahir sobha ghoddoun haddloleo, ani sogllea sobhamni Konkani bhaxek Rajbhas korunk zai mhonn soglle fuddari uloitale ani arodd'ttale. Hea fuddariam modem Devnagori lipieche pattlavdar toxench Romi lipieche pattlavddar asle. Chukun porian konnench Konkani bhas Devnagori lipiet aschi vo Romi lipient aschi oxem kednanch mhonnunk nam, kiteak soglle ekvottan khoinchech eke lipi passot nhoi, punn Konkani bhaxe passot vavurtale. Punn amchea durdoivan, Rajbhas Kaido pas kortanam tea kaideant ek definition 'Konkani means Konkani ghalem Language written in Devnagori script." Dusrea utramni, Konkani bhas ji Romi lipientlean boroitat te bhaxek Rajbhas Kaideant kainch sthan dilem nam, tika bhair uddoili. Romi lipientlean Konkani bhas vachpiank  ani boroitoleank sarkech fottoile!

 

He chollvollichem boll mhollear Romi lipientle Konkaniche pattlavdar. Jahir sobhank hozaramni lok ekttaim zatalo tantuntlo 95% lok Romi lipientle Konkaniche mogi astale. Sat tornnateancho he chollvollint jiv gele te sat-ui Romi lipientle Konkaniche bhokt asle. Ak'khe chollvollint konnench lipi vixim ek utor kaddunk nam. Romi lipiechem boll itlem aslem, zor tea vellar konnench amkam Konkani bhas fokot Romi lipient zai mhonnloli zalear Devnagori lipieche pattlavdar Tsunami eun lotton vetat toxe lotton vetole asle. Itlem-i asun, konnakuch nam kolltam 'Konkani means Konkani language written in Devnagari script' hem definition Rajbhas Kaideant ghalem ani Romi lipientlea Konkani bhoktanchea Visvasak GHAT KELO. HEA DARUN KORNNIEK AMI GREATEST BETRAYAL OF 20th CENTURY MHONNTAT. - Courtesy Goencho Pormoll