Monday, February 6, 2023
Latest News
Asmitai – Kovi: Manoj Narendra Kamat (Fondem – Goem)
Sunday - Jan 15, 2023
Goenchi asmitai
Veglleponnan ful’leli
Her rajya poros
Khuxealponnan bhorleli
Xetani batam konnsam
Bhattani ful’leat madd
Soie rosachem umonn kullnneant
Thattar nustem, sol-koddi vadd
Guirest daiz fulta amchem
Fugddeo, gof ani dhalo
Jemadde, mandde, dekhnni
Ghoddemoddni, thalakddeancho ulo
Mandovichem udok pion
Zuarichea sopnar jieun
Sodogad unch haves
Goenchi kirt obhiman miroun
Renderachea kantarancho sad
Doriacho gazta gaz
Zagor, ronnmale, tiatr
Gitancho choddta saz
Khos thondar udeta
Zatra ani festanim
Ekvott sogleank pormollta
Lognam ani kazaranim
Porbo sabar Goenkarancheo
Intruz, guddulo, baxipunov
Pednechean Canacona meren
Dhennlo, paddvo, sutapunov
Vegllepon Goenkaranim
Gumttam – xamellan rakhlelim
Divaz gheun bhokitbhavan
Devak garannem voplelem
Goem zai sogleankuch
Feni, nustem, minank lagon
Movall, ghodd sobhavak lagon
Nam diunchem Goenkarponn
Konkani niz zoptelem
Konkani baxek diun man
Apleponn rakhtelem
No comments posted...