Monday, October 14, 2024
Latest News
कापिल्लें झाड कवी : मनोज नरेंद्र कामत ( फोंडें - गोंय )
Monday - Mar 11, 2024
आयज तें निमाणें झाड
कापिल्लें
ह्या झाडांत लिपिल्लो
व्हड इतिहास
खोडाचे साली मजगत
अंतरमनांतल्या चवनांनी
शेकड्यांनी वर्सांचो
ह्या झाडाचो उगडास
शेवण्यांक
सूर संगितांतल्यान
फांतोड फुलयत
मोग जडून
घोंटेर बांदपा मेरेनचो
तांती पिल्यांक पाखां फुटून
मळबाच्या शितिदामेरेन
कुपां पलतडी उडपाचो
वाटसु-याक
सावटा पांगरूण दितना
फळांचे रुचीन धादोस करीत
आलाशिरो
कसलेच अपेक्षे विरैत
मंद झुळूक
आवयचे कवेचो उगडास दीत
कुराडिचो घाव पडलो तेन्ना
रगताची व्हांवली धार
शिरे शिरेंतल्यान
चळचळीत
मातयेंत मिस्तुराद जायत
धवशा, तांबशा, काळशा रंगान
गर्भ खोलायेंतल्यान किंचाळत
सैमाकडलें नातें तुट्टनां
मातयेचें रीण फारीक करपाचो
ताचो हावेस
अर्दुकुटोच उरलो
No comments posted...