Friday, June 21, 2024
Niz Goenkar
Latest News

Mohana-Ek Porzollttem Neketr – Bor: Isidore Alexander Dantas
Saturday - Feb 3, 2024
Mohana-Ek Porzollttem Neketr – Bor: Isidore Alexander Dantas
Aiz famad kolakar sorgest Mohana hicho zolm dis.Hea nimitan ticher boroilolo lekh tumkam vachunk ditam Mohana hinnem Hindi fi-mant bhag ghevun toxench Konkani tiatrant vantto ghevun famad zalea ani dusrea ostoreank machier vatt ugti kelea.
 
Mohanacho zolm Ambirna -Socorro, Porvorim hanga Fevrerache 3rer 1927 vorsa Mona Blasia Cabral nanvan zalo. Tichem mullavem xikop Goeant zalem ani uprant Mumboichea Mahim vibhagant urtolea Victoria iskolant toxench Punneantlea Convent of Jesus and Mary hantunt tinnem xikop purem kelem. Tinnem Mumboint Lever Brothers he Brittix komponent Telephone Operator-achi nokri dhorli. Tea kallar atanche bhoxen fonachi suvidha nasli. Konnank fon kortolo zalear fonacho ankddo telephone operatorak diuncho poddtalo ani ti magir to zoddun ditali.
 
Tor tichem hem kam mhotvachem zavn aslem. Hea vorvim ti filmantlea zaitea zonnam kodden vollokh zoddunk pavli chodd korun famad Hindi film neketr Nargis ani Nirmovpi/Digdorspi Protima Dasgupta. Hea udexim tika sumar challisek Hindi filmamni vantto ghevpak bhag favo zalem. Hea filmanchim kaim nanvam oxim asat: Char din (1948), Patanga, Zagruti, Kamal, Rhim Zhim, Sayan Aya re (1949), Sansar, Sagai, Nagin Nadan, Ada (1951), Saqi, Saloni, Nazaria, Cham Chama Cham, Ashiana (1952) Shole (1953), Shart (1954), Dost, Danka, Tirandaz, Sau Ka Note, Insaniyat (1955) Zaksad (1956), Suvarna Sundari (1957), Baghi Sipai (1958) ...Dha filmamni tither kantaram chitronn korpant aileant ani Rhim Zhim filmant tinnem Bhini Bhini Chandni Rat Bole Bulbul Pyar ki Bat hem kantar gailam. Patanga filma khatir tika Film Sansar Leaguechem tosrip favo zalam. 1954 vorsa Cannes International Film Festivalak hajir astanam tika Italian film Piscatore di Posilipo hantunt mukhel not-tichem patr korpak soeg mell'llo.
 
Tika Konkanicho khub mog aslo ani ti poilich tiatrant Mahim ravtolea AF Rod hachea Opurbaiechi Sun tiatrant disli. Ticho sobhav dhittaiecho (courageous) aslo ani tinnem ap-vollokh famad tiatrist C. Alvares-a kodden korun ghetli ani vevsaik (machier ti 1954 vorsa tachea Kortub Avoichea tiatrant disli ani uprant zaiteach C. Alvares-achea tiatrant tinnem vantto ghetlo zanchim thoddim nanvam oxim asat Avoicho Xirap, Bail de tarvotti, Bhorvonso, Ankvar Kazari,... Ti gavpantui huxar asli ani tichem poilem rekordd kelolem Sansar film kantar Sun zavn asa.
 
Tinnem gailolea kantaranchim nanvam Ankvar vo Kazari, Chokletti dilear, Devachi Soirik, Doti Vinnem, Jevonnkara, Kallzacho Uzo (Manddo), Moddkentlo Nis, Tuje Borim Ietam, Xitachi Boxi, Ulhas Soddttam (Manddo), Vachtoch Chitti, Sinemank Vochpache, Du-dachi Goddsann, Kumsar Zatam jim sogllim C. Alvares-a sangata gaileant. Ekoddim gaileant tea kantaranchim nanvam Aikat Bhoinnamni, Bore Gunn, Kazar Borem, Kharveagelem Cheddum, Konn Mhozo Fuddar ani Star of Arossim sangata gailolea kan-tarachem nanv Ayi, Fariar. Son-vgam (acting) korop tika soiminch etalem ani tichean dukhachi, kunbi, vinodi patram korunk zatalem. Nimannem tinnem Bab Peter-Opheliachea tiatrant Aiz Na Faleam 1983 vorsa bhag ghetla.
 
Ti don pavtti kazari ani tichem poilem kazar Edward Dawning hache kodden zalem zo Indian Royal Force-ant pilot aslo punn hem kazar fokot dedd voros tiglem kiteak viman konsollpant taka moronn ailem. Hea kazara pasun tankam Mark nanvancho cholo asa. Dusrem kazar John Defrates hachea kodden zalem. Somaza bhair kazar aslolean tern naposon-tichem zalem. Mogak ani kazarak lagun tankam dogainkui fultea karkirdicho (career) teag korcho poddlo.
 
Dusrea kazara vorvim tankam ek Clare nanvanchi dhuv asa Johna sangata tinnem Lebanonachea zhuzak bolli poddloleam khatir duddu ektthav-pak mozot kelea ani Than ched-dvam khatir iskolam rochleant ani monisponnachem misanvant fuddakar ghetla. Aplea ghorkarak Commander of the British Empire (CBE) ho kitab Elizabeth Rannien bhettoilolo ten'na ti tachea vangdda asli.
 
Tim zaiteach desamni vavurlim ani jielim ani dor bhett'ttoleak tinnem tancher aplem chhap (im-pression) marlolem asa. Ti konnachei nodrek zhollkotali. Ticho sobhav umedi, mogall ani udar aslo ani kosloch bhed korinastanam ti lokank mozot kortali. Kosleai odd-chonnecher zhuzunk ti fattim soronasli. Tichem adlem jivit koxttanchem aslem jem Johnak United Nations High Commission for Refugees (UNHCR) hantunt Switzer-landant nokri mellttoch su-darunk pavlem. Tankam zaiteach desamni voichem poddlem ani tinnem noveo sonskrutaio ani bhaso vengoileo. Eka bomb sfottant xinvrailolea kanchiche kuddke tichea angant ghusle ani tika khub tras zale.
 
Ti goddeamutachi piddest zali ani sodanch tika insulinachim injeksanvam gheunk poddttalim. Beirutant astanam Cliff Richard arii Omar Sharif sarkea namavont kolakaranchi tichi vollokh zali. Tichem jivit ek gavpi, kolakar (machi, TV ani film) desant tox-ench pordesant, TV prostut (pro-ducer) korpi, udarponnachi askari, rajdutachi ghorkan'n ani bhov mogall avoi oso attap korum eta. Tika Goencho khub mog aslo ani sondi melltta ten'na ti &wank bhett ditali. Tichea ruchichea jevn-nacho lok umxiken ugddas kortat. 1990 vorsa Setembrache liver ti devadhin zali. Hea tichea mhan vavrak amcho solam.

Back
Comments (4)
Francisco
Thursday - Feb 22, 2024
Was she the elder sister of Ophelia Cabral?
Carmo Carneiro
Saturday - Feb 3, 2024
May her soul rest in peace. The first lady of Konkani stage. Tribute and respect to a great soul!
Adriano Pinto
Saturday - Feb 3, 2024
Dev borem korum Isidore bab . Hi istor Mohanachi bai-chi borich ruchik lagli. Tika haven burgo astana Tiartrant nachtana polelea. Tiche part ti ekdom bori kortali.
Hanv tichem jivit itlem rongit mhun nokom aslom. Tuzo lekh amkam tichi bori zanvai dita. Bravo.
Jessie Dias
Saturday - Feb 3, 2024
Devan amchea sorgest Bai Mohana sorguinchen sukh favo corune, .Sobit -Sunder aiz passun amche stagik eun nan,aiz amin soglin chedvam machier assat zalear focot bai Mohana lagon,Dev borem corune bai Mohana amcam tuven vatt dacoili,Devan tujea otmeak sorguinchen Raj favo corune,Palkachen Tikk(Pearl) tum amchem.
Leave a Comment
* Name
* Email (will not be published)
*
* Enter verification code
* - Required Fields