Maiachie 29ver, Holy Trinity firgojent ghoddlia ti boreachi gozal nhoi. Borea monachea kristanvamni hachi ninda korunk favo. Ami khubdam onnbovlam... Amam kristanvank sompounk vikhachi goroz nam. Amkam amich. Konn nitt ani konn guneanvant asa te vixim ami choukoxi korunk sodinant... Punn zo 'mob' thoim ekttovlo ani bobatt kelo tem pollelear. Oxem distalem firgozkarank konnachi-i nit korun taka vingllo korun sobhemazar khillaunk sot'tea asa. Zobordostien tacho rajinamo magonk sot'tea konnem konnank dilia? Borie toren vostu tharear ghalunk amche koddem vatto nant? Zalear oslem vatavoronn kiteak mhonn nirmann korchem?

 

Oslim opradhiank voir kaddun niropradhiank faxier choddovpachi kharastanam zaleant ani zatat. Dekhun ami vixoiache mullak vochon tem somzon gheunchi goroz bhasta. Ani oslea prokaronnamni amchea dhormik vhoddilamni oglli gombhirtai dakhounchi goroz. Konnachich bazu ghenastanam tottostth paulam marchi goroz asta. Ho khodvoll nirmann kortoleank xistin nitt rosto dakhounchi goroz asa. Oslem 'precedent' fuddarak nam ghoddchem mhonn dhaddxien vaurchi goroz. Ani osle prokoronn ghoddttat tednam potrkaramni oti sonvedna-xokti vaporchi goroz bhasta. Somajik madheom uplobdh asa mhonnun batmi koxi-i ani vadgrost korun ghatli mhonnun taka orth asonam. Xere martoleank nhoi zalear potrkarank tori apli zobabdari somzopak zai.

Dev borem korum.