Padr JOSE NICOLAU RODRIGUES (Cap) ganvan VAZEM SHIRODA   taluka Ponda Goem.   Padr Jose Niclav -achi famil mhunnge tache Avoi-BapuiFnik 4 bhurgim . Poilim 3 bhoinnio    anik nimnno cheddo Niclav. Gorib ghorabeantlo. koxttantlean voir sorlolo. Goribkaientlean voir sorlolo mhunnttoch Bapaik adar diunk anik ghorabeacho   Karbar sambhallunk tacher zababdari poddli. SSC zatoch rokddoch to Moddgonvam Toddy Tappers Association   Hanchea office-an kamank ravlo.

 

 Ek voros kam kelea Uprant Tachea vaddean VAZEM Shiroda MPL (Mandovi Pellets Limited) company-n asa   Tantun taka kam mell’llem. Ti company tachea ghora lagim ason to te company-n 12 voram (8+ 4 = 12. sodanch 4 voram overtime) kam kortalo anik to sodanch 4 voram extra time vo overtime kiteak kortalo tem fuddem vach. Oxim 12 voram   7 / 8 vorsam kam korun aple Tegaim bhoinnank kazar kelim   Anik thoddea Rinn-an buddlolo   Ghorabo toddik pavoilo.

 

Bhoinnank kazar korun zatoch Devan Tachea jivitak modd marli ( Turn ) Tache bhitor Devacho ulo aikonk yeunk laglo ani hi khobor tannem ten’nachea aple firgojechea   Padri Simon Rodrigues -ak Devachea molleant vavrunk umed asa munn sangtoch ti kit pettloli ti Odikh peroili ani Uprant Sorg Pdr John Menezes-achea kannar ghatli . Padr Vigaran taka vicharlem “Koslem padriponnachem jivit tum apnnaunk sodhtai?” Jose Niclav-an zap dili “Sadhem “anik Padr Vigaran taka Padre Pio-che Moddi Navelim Seminaricho rosto dakhoilo. Padr Simon Jose Niclavak Ek sfurti zali ani Padr John Menezes -an ti fuddem vheli. Pad Simon ani Pad John dogui amche Goenche Diocesan Padri. Don Bosco anik dusreo sonstha Jose Niclav-achea dolleam samkar zollkotalio   munn sangta Punn Devan taka Capuchin sonsthen daddlo. Sogllem soddun mhunnge Ghor anik ghorabean Ekttoch bhav zavuinui   Ghor bhatt , xetam   Soddun dilem anik 27-vis vorsamche pirayer Capuchin sonsthen bhitor sorlo.

 

Seminarint bhitor sortoch don vorsani Jose Niclav-acho Bapui somplo. Padre Pio-chi sonstha    dublleam pasot vavurta. Te sonsthechea Padrim lagim svotacho Bank account aspak zaina anik apleak duddu komaunk zaina , Duddu mellttat zalear porian duddu sonsthek DHAN korop hi tanchi chal .. sarki sadhi. Dekhun Sadheaponnan jieonk ani Goribamchi seva-chakri korunk aplem soglleam soddun apleakuch Devak bhettoilo . Uprant Moddi seminarint   bhitor sortoch fuddlem xikop chalu kelem ani tem xikop purn zatoch Padr Jose Nicolau Rodrigues Capuchin sonsthecho Padri zalo. Punn Tachea Hea jivitan anik Ek Doko boslo jen’na Padriponnachi Ord ghevche don vorsam adim Tachi Avoi Devadhin zali . Aplea putachem ‘Ordenação ‘polleunk   Devan dourunk na Punn aplea sorxim   Vhorun sugur dovorli.

         

Padri zatoch hanga thoim vavrunk laglo .. Anik hi padriponnachi vatt choltana   Fattlea don vorsan Covid Pandemic kallar Devan taka mornantlea chopkeantlo ochoriani vattailo munn sangta. Tachem ‘Haemoglobin’ dhenvtalem anik ghunvoll eun eun sokol poddttalo .. Dotoran CANCER. munn report dilo ani Mumboi Tata hospitalan daddlo. Sarko oskot zal’lo Punn Mumboi Tata hospitalan Bharik topastoch CANCER nui munn report dilo. Atam to boro asa Bhavartheamchi seva chakri korta. Ghele don mhoine taka Kuwait Holy Family Co-Cathedral-an visit visa-cher haddlolo. Kuwait Chearui firgozani Kuwait City, Ahmadi, Salmiya ani Abassiya Konkani uloupeank Seva dili. Boro pregador boro sermanv sangpi tosoch sarko khalti ani ‘simple ‘ani tachi ‘Simplicity’ soglleank mandli dekhun tachi visa anik ek mhoino ‘extend’ korun don mhoine Kuwait dovorlo. Nove   Bism ALDO Bism-Saibanui tachi vakann’nni keli anik fuddarakui taka porot Kuwait haddunk rojea dilea munn kolloilam .

            

Padr Jose Niclav hacher hanv borounk pavlom karann itlench ki Dev konnank , Koso ani ken’na aplea molleant vavrunk APOVNNEM di’it hem somzunk augodd .. Devacho Ghutt Dev zanna. Anik Ek Tachi bhitorli khobor boroilea xivai boroup kabar Korin disona .. Ghorabean ekttoch put zal’lean ani Teg bhoinni. Tantlio Vhoddli ani nimnni bhoinni somplim. moddlich bhoinn asa. Ghor anik sumarachem bhatt asa anik bhattant madd asat Toxench don piko kaddpachim don xetam asa tanchem kitem oso prosn kortoch to mhunntta tem mhoje Tegui bhoinnank ani bhoinnachea bhurgeank dilam .. Aponn NIL mhunnge O. Apleak kitem zai anik kiteak? Hem tachem aikotoch tacho hanvem ‘Sonyas’ ghetlo anik mhojea vavrak ghelom. Padr Jose Niclav Ghora VAZEM Shiroda eta   anik Navelim Moddier Seminarint vecho aslear amche votten TEMBIM Raichean choddso veta anik TEMBIM dhenvtoch Dongrim amchea vaddeanlean   pasar   zata TEMBIM dhenvtoch Santemol Sonsddean rosto Moddier vosonk ‘ shortcut ‘ poddta Toxench Santemol Coleam-Dongor tachem soireamchem ghor asa tankam bhett diun Eka  Farrak don bokim marun fuddli vatt dorta .. Padr Jose Niclav Tuka bori bholaiki anvddetam Devachea molleant vavrunk ani hi TACHI SFURTI gheun Anikui bhurge Padriponnachi vatt dorum anik Padriponnank vengounk Amche anvdde toxim BAPAK Magnnim. Amen