Sounsarant Devan rochlea uprant sounsarik vattavoronnan kati rongant vegleponn eunk paulem. Bhou korun khor vottant kam korteleam anik jhella vareant thondd vatavoronam modem, zantunt gore apunn orthe anik kalle holke oso somzut ubo zalo.

 

Ek dis hanv Goem than Mumboi vochpak vimanan moje baile sangatak vetalo, tedna viman chikar bhorlelem aslem bhou korun economic class-int. Hea vellar ek zantti sumar 70 vorsanchi gore katichi vidhexi ostori vimanant aili. Tinnem aplea boske bazuk ek kallo munis aslo to polloun vimanar kam kortele ostorek apoun tika sanglem apnnak hea kallea munxea bazuk bosunk naka, dusri boska asa zalear apnnank dhi.

 

Vimani hostessan tika sanglem ki he class-int ekui boska riti nam, zori vevarik unch classint asa zalear polleta mhunn. Hostess thoddea vellan porot eun te ostorek sanglem piloyan ek boska asa ti diunk zata mhunn. Ti zantti ekdom khoxeal zali apnnak unchoilea vorgant boska mellta mhunn.

 

Hostessan kallo munxeak sanglem ki tachean tachi daktti petti anik bag asa tem gheun aplea sangat heo poile class-int karann he gore ostorek tujea bazuk bosunk naka mhunn. Hem polloun vimanant aslelea her lokani hostessak anik pilotak vakanddl favo kelo karann te gore ostorek veglleponna ontora xobhok xikoilem dekun. Hi ghoddni amchea dolleam mukhar ghoddli. Tor munxean munxea vixim veglle nodren pollovop vo vagop sarkem?