Sunday, May 5, 2024
Latest News
Novea Vorsacho Nicheu: Romi-Nagri Bhau-Bhau, Deva Pau! – Bor: Lino B. Dourado
Monday - Jan 2, 2023
‘Electronic’ madhiomantlean Konkanichem kitlem sumar ekcharachem boreponn zalam, tachem koslench informasanv mevonam. Punn, halinchea kallant Konkanintlean puskoll ‘WhatsApp’ pongodd, olbeam porim ful’leat tem mat sert. Vichitr mhollear, he ‘WhatsApp’ pongddamni, Konkanichem chodd iogdan diupiank bhairatat. Konkanichea nanvan duddu kortoleank darer dhortat mhonn ek kharan zait tankam bhair dourunk vo pokad ‘admin’-ache liplole ‘agenda’ ugtalar haddit mhonn, bhirant dista zait. Konkani samaritanank ‘entry’ nam khori, punn tanchim nanvam hea chombianim ‘daily’ vachtat. Vakhann’nni sap thoddi. Tasop demaiz zata.
Konkani satolleacho kivam masikacho Sompadok zatolo zalear, ek nemallem uzvaddak haddunk zai. Hi maka tank naslolean, hanvem sompo marg dhorla. Romi-Nagri Bhau-Bhau, Deva Pau! nanvam khal, ek pardoxi (transparent) ‘WhatsApp’ pongodd toyar korunk chintlam. Hanv ADMIN. Voi. Mojem tambddem!
Ekach monant-kallzant bhed-bhav nastanam, eksarkeponnan dixtttichim oklam laun he pongddant proves korcho.
(b) Don vhoddeancher pãi dourunk zaunchem nam; mhonchem;
(c) Dusrea Konkani ‘WhatsApp-a vele vangddeamni, hea pongddan bhitor sorpachem vichar korche nhoi.
(d) Tum moji patt korpi hanv tuji korpitam; hi chal hanga bosonam ani bilkull cholchinam.
(e) Poilea 100 membrank, serkari onudanancher adarun aslelea Konkani sonsthamni membr zaunk sompeaponnam melltolim.
(f) Zoxe vangddi choddtat toxem vella pormonnem ani poristhiti nirman zata te toren nem’ vaddtele.
(g) ‘Konkani Sahitya Academy’-chea vaurak man-respeit diuncho. Kalle bhavte dakhovpache monant euzum nakat.
(h) Konnank nem’ mandunk augoddai dista zalear, doiallponnan vangddiponnantlean pois ravchem.
Comments (3)
Anand Khandolkar
Thursday - Jan 5, 2023
ह्या पोस्टांच्या उजवाडाक आमचे मदीं जाल्लें निमाणें संवाद पळयात. त्याचाचें पुराय आनी योग्य विश्लेशण तुमकां तुमच्याच उतरांचें निश्कर्शात्मक प्रतिबिंब खंयचेच दुबावाचे अवस्थेंत सोडूंक फावना!!
तुमकां फाटीं पळोवपाची गरज आसा !!
तुमकां फाटीं पळोवपाची गरज आसा !!
Enclidas De Elly
Thursday - Jan 5, 2023
Lino bab-acho supurlo lekh barik chint diun niallpacho, zantunt jivitant sudarnam haddunk zata, punn zobor zannachea monnar tacho uzvadd poddcho nam , karann sounsar sudrom eta punn munis sudorcho nam. Amcheam purvozanchem sangnnem aslem, borem kelear aplem, nam tor tem be-upeogachem. Novea vorsacho survat munxeachea jivitar kallea kupam survat zalea, shanti bhang zaunk palea hea fuddem kitem ghoddtelem tem pollounchem urlam.
Romel Fernandes
Thursday - Jan 5, 2023
Magne korunk poile kaliz sap dorunk zai tedna Deu Bap aikota.