Kongoti: Ganvant aslelea petrol pompa mukhar, rosteache kuxik, koir uddolelea passot, Kongottche Ponchayatin hotelkarak 25 ozar rupiancho dhond ghatlo. Taje khobre pormonnem Kongottchea pornea petrol pompa mukhar eka munxean koir uddoila mhunnon, koir kontradoran ponchayatik suchna dili.

 

Tea pormonnem ponchayatin prosantlea hotelkarak apoilo. Uprant hotelacheam kamdarani ho vattar nitoll kelo ani 25 ozar dhond ponchayatin ghatlo. Ponchayat aplea odhikaran koir ektaim korchea passot mhoineank 15 lakh khorch korta oxem Kongottchea sarpanch Joseph Sequeira hannem sanglem ani darant eupi kamdarank sohokar diun koir diupachem avahan thoinchea rahivaxanim kelam. “Ami ganv koir naslolo korpacho asa ani hotelkara soit sogleanim rostea kuxik koir uddoupacho nhoim oxi ami vinonti kortanv. Amkam fone korat ani amcho kamdar tumchea gharant koir ektaim korpak etolo” oxem Sequeiran sanglem